Malyar Ustası

Malyar ustası sadəcə divara boya vuran biri deyil. O, məkanın atmosferini dəyişən, zövq və texniki biliklə iş görən peşəkardır. Boya işləri səliqəsiz və düzgün aparılmadıqda, nə qədər bahalı boya seçilsə də, nəticə ürəkaçan olmur.
İstər yeni tikili olsun, istərsə də köhnə mənzilin yenilənməsi. Boya işi evin ümumi görünüşünü tamamilə dəyişə bilər. Amma bunun üçün yalnız boya almaq kifayət etmir. Əsas məsələ işin ustasındadır. Əgər sən də peşəkar və etibarlı malyar ustası axtarırsansa, elə bu məqalə tam sənlikdir. Gəlin birlikdə baxaq, malyar ustası nə iş görür, niyə ustası.az saytından sifariş vermək daha rahatdır və bu prosesdə nələrə diqqət etməliyik.

Hansı işlər görülür?

Rəngləmə işi, ilk baxışdan sadə bir proses kimi görünsə də, əslində həm texniki bilik, həm də estetik zövq tələb edən bir sahədir. Peşəkar malyar yalnız divara boya çəkməklə kifayətlənmir. O, istifadə olunan materialdan tutmuş tətbiq üsuluna, iş mühitinin hazırlanmasından tutmuş son qatın hamar düşməsinə qədər bütün detallara nəzarət edir. Boya işlərində əsas məqsəd yalnız səthi rəngləmək deyil, məkanı daha işıqlı, geniş və baxımlı göstərməkdir. Bunu isə yalnız təcrübəli və işinin peşəkarı olan malyar təmin edə bilər.

Daxili divar boyası xidmətləri

Malyarın əsas fəaliyyət sahələrindən biri daxili divarların boya işləridir. Bu mərhələ sadəcə fırça və ya rulonla boya çəkməkdən ibarət deyil. İşin əvvəlində divar səthi hərtərəfli yoxlanılır. Çatlar, qabarmalar, köhnə boyanın qalıqları və ya divarın quru olub-olmaması qiymətləndirilir. Əgər səthdə hər hansı nasazlıq varsa, əvvəlcə onların aradan qaldırılması üçün alçipan düzəlişləri, macun işi və astar vurulması yerinə yetrilir. Daha sonra isə əsas boya tətbiq olunur. Qatların bərabər düşməsi, boya xəttlərinin səliqəli olması, künclərin incə şəkildə işlənməsi bu mərhələdə xüsusi bacarıq tələb edir. Peşəkar malyar həmçinin müştərinin məkanına və işıqlandırmasına uyğun boya növünü və rəng tonunu seçməyə də kömək edir. Beləliklə, daxili boyama yalnız texniki proses deyil, həm də interyerin ümumi estetikasını formalaşdıran vacib bir addımdır.

Tavan və karniz işləri

Tavan boyası və dekorativ karnizlərin rənglənməsi xüsusi dəqiqlik və səliqə tələb edən bir sahədir. Tavan işıq mənbəyinə daha yaxın olduğuna görə hər hansı nöqsan, ləkə və ya bərabərsizlik dərhal diqqəti cəlb edir. Bu səbəbdən malyar əvvəlcə tavanda olan çatları, boşluqları və qeyri-bərabər səthləri düzəldir. Daha sonra isə astar və boya tətbiq olunur. Boya qatı nazik, lakin örtücü şəkildə çəkilməlidir. Rulon izləri və fırça keçidləri qalmamalıdır. Karnizlərin isə bəzəkli və qeyri-standart quruluşa malik olması bu hissədə xüsusi fırçalar və texnika tələb edir. Malyar həm köhnə boya izlərini silir, həm də yeni boyanı formaya uyğun şəkildə yayaraq estetik bir görünüş yaradır. Doğru seçilmiş rənglər və düzgün texnika nəticəsində tavan və karnizlər məkanın vizual bütövlüyünü tam şəkildə tamamlayır.

Xarici fasad boyası

Binaların xarici fasadının boyanması daxili boyama işlərindən fərqli olaraq daha çətin və çox mərhələli prosesdir. Burada əsas məsələ yalnız vizual görünüş deyil, boya qatının hava şəraitinə qarşı davamlılığını təmin etməkdir. Gündəlik olaraq günəş, yağış, külək və toz kimi amillərə məruz qalan fasad səthlərində istifadə edilən boya mütləq şəkildə keyfiyyətli və spesifik tərkibə malik olmalıdır. Peşəkar malyar əvvəlcə binanın fasad səthini təmizləyir. Köhnə qatları aradan qaldırır və səthdəki boşluqları doldurur. Daha sonra isə xüsusi astar vurulur ki, bu da əsas boyanın daha yaxşı yapışmasını və uzun müddət rəngini itirməməsini təmin edir. Fasad boyası zamanı istifadə olunan teleskopik rulonlar, xüsusi platformalar və təhlükəsizlik avadanlıqları bu işin yalnız peşəkar ustalar tərəfindən həyata keçirilməli olduğunu bir daha sübut edir. Bəzi hallarda binalarda rəng bölgüsü və dizayn elementləri də tətbiq olunduğu üçün malyar həm texniki, həm də estetik yanaşmanı birlikdə tətbiq etməlidir.

Qiymət siyasəti

Malyar xidmətlərindən istifadə etmək istəyənlərin ən çox maraqlandığı suallardan biri də "qiymət necə hesablanır?" sualıdır. Əslində, bu sahədə qiymət siyasəti bir çox faktora əsaslanaraq formalaşır. Təkcə çəkiləcək boya sahəsi ilə məhdudlaşmır. Peşəkar rəngləmə işləri həm texniki çətinlikləri, həm istifadə olunan materialların keyfiyyətini, həm də ustanın bacarığını əhatə edir. Müştəriyə təqdim olunan qiymət təklifi bu faktorların hamısının birləşməsindən yaranır. Əgər məqsəd yalnız ucuz xidmət almaqdırsa, nəticə də buna uyğun olur. Lakin keyfiyyətli, estetik və uzunmüddətli bir nəticə üçün qiymətə təsir edən amilləri düzgün qiymətləndirmək və buna uyğun qərar vermək vacibdir.

Obyektin ölçüsü və çətinlik dərəcəsi

Malyar işlərində ilk növbədə obyektin ümumi ölçüsü qiymətə birbaşa təsir edir. Böyük sahəli mənzillər, geniş salonlar, ofislər və ictimai məkanlarda işin həcmi çox olduğuna görə həm material sərfi artır, həm də iş müddəti uzanır. Xüsusilə yüksək tavanlı məkanlar, çox sayda pəncərə, sütun, niş və dekorativ elementlər olan sahələrdə boyama işi daha mürəkkəb və vaxt aparan olur. Bu zaman usta daha çox nərdivan və ya skaf, platforma kimi avadanlıqlardan istifadə etməlidir. Səthlərə çıxış imkanlarını təşkil olunmaldıdır. Belə obyektlərdə qiymət sadəcə kvadratmetrlə deyil, həm də işin çətinlik dərəcəsi və tələb olunan əməyin miqyasına əsasən müəyyən olunur. Malyar ustası əvvəlcədən sahəyə baxış keçirərək bütün bu parametrləri qiymətləndirir. Müvafiq qiymət təklifi hazırlayır. Bu da müştərinin real və əsaslandırılmış qiymətlə razılaşmasına imkan yaradır.

İstifadə olunan materiallar və boya növü

Boyama prosesində istifadə olunan materialların keyfiyyəti də qiymətə ciddi şəkildə təsir edir. Keyfiyyətsiz, ucuz boya məhsulları daha az qatla örtücü olmur, tez soyulur və uzun müddətli nəticə vermir. Bu isə əlavə xərclər və tez-tez təmir ehtiyacı deməkdir. Keyfiyyətli, tanınmış markaların boyaları isə həm daha yaxşı örtücülük təmin edir, həm də daha parlaq və bərabər səth yaradır. Səthin əvvəlki vəziyyətindən asılı olaraq astar, macun, izolyasiya qatları və qoruyucu maddələrin istifadəsi də lazım gəlir. Bu məhsulların hamısı qiymətə daxil edilir. Peşəkar ustalar yalnız boyanı deyil, onun tətbiqində istifadə olunan rulon, fırça, boya püskürdücü aparatları və digər avadanlıqları da yüksək səviyyədə seçirlər. Bütün bu seçimlər nəticənin keyfiyyətinə təsir göstərdiyindən, qiymət təklifində bu faktorlar da nəzərə alınır.

Ustanın təcrübə səviyyəsi

İllərlə bu sahədə çalışan, yüzlərlə obyektə imza atmış bir malyar ustasının xidmət haqqı ilə yeni başlayan və ya qeyri-peşəkar şəxsin qiyməti eyni ola bilməz. Təcrübəli usta yalnız boyanı düzgün çəkməklə kifayətlənmir . Eyni zamanda divarın hazırlıq mərhələsini peşəkar şəkildə aparır. Uyğun material və rəng tövsiyə edir, səthdə qabarıqlıq, dalğalanma və izlərin yaranmasının qarşısını alır. Ustanın texniki bacarığı, rəng seçimi mövzusunda zövqü və işə yanaşma tərzi son nəticədə müştərinin aldığı xidməti bir neçə pillə yuxarı qaldırır. Peşəkar ustalar işə zəmanət verirlər. İstifadə etdikləri materialların orijinal olmasına təminat verirlər və hər zaman əlaqə saxlamaq mümkündür. Bu isə xidmətin təkcə fiziki deyil, etik və texniki keyfiyyətini də göstərir. Nəticədə, bir qədər yüksək qiymət ödəməklə müştəri həm narahatlıq yaşamır, həm də uzun illər təmirə ehtiyac duymayacağı bir nəticə əldə edir.

Evdə və ya ofisdə boya işləri zamanı nələrə diqqət yetirilməlidir?

Boya işləri hər nə qədər texniki bir proses kimi görünsə də, əslində planlaşdırma, uyğunluq və səliqə tələb edən detallı bir mərhələdir. Xüsusilə evdə və ya ofisdə bu işlər aparılarkən həm ətrafın qorunması, həm də nəticənin keyfiyyəti üçün müəyyən hazırlıq işləri və nəzarət mərhələləri lazımdır. Çünki rəngləmə düzgün aparılmadıqda, nəticədə divarda ləkələnmələr, qat fərqləri, damcı izləri və digər estetik pozuntular meydana çıxa bilər. Həmçinin, boya işləri zamanı əşyaların, döşəmənin və digər səthlərin boyadan qorunmaması maddi zərərə səbəb ola bilər. Peşəkar malyar ustası bütün bu detalları nəzərə alaraq, iş prosesini mərhələli və sistemli şəkildə həyata keçirir.

Hazırlıq mərhələsi

Peşəkar boya işinin əsasını düzgün hazırlıq mərhələsi təşkil edir. Bu mərhələdə ilk iş rənglənəcək sahənin boşaldılması, mebel və digər əşyaların qorunmasıdır. Əşyaların üstünə örtük çəkilir, döşəməyə xüsusi boya örtüyü salınır və pəncərə-çərcivə kimi hissələr maskalanır. Daha sonra divarın və ya tavanın səthi təmizlənir. Toz, kir, əvvəlki boya qalığı və hər hansı qabarıqlıq varsa, aradan qaldırılır. Divar və tavan səthində çatlar və deşiklər varsa, bunlar macun və digər uyğun materiallarla düzəldilir. Səthin hamarlaşdırılması üçün zımpara işləri aparılır. Bu mərhələdən sonra astar qatının vurulması gəlir. Astar, əsas boyanın səthə daha yaxşı oturmasını və rəngin bərabər yayılmasını təmin edir. Hazırlıq mərhələsi düzgün aparılmadıqda, ən bahalı boya belə istənilən nəticəni vermir.

Boya seçimi və uyğunlaşdırma

Boya seçimi yalnız rəngə görə deyil, həm də istifadə olunacaq sahənin funksiyasına və işıqlandırılma səviyyəsinə görə aparılmalıdır. Rəngin tonunun məkanın ölçüsünə və gün işığına uyğun seçilməsi mühümdür. Məsələn, dar və işıqsız otaqlarda açıq rənglər məkana genişlik verir, tünd rənglər isə daha çox dərinlik və rahatlıq yaradır. Peşəkar malyar müştərinin istəklərinə uyğun olaraq doğru boya növünü və rəng tonunu tövsiyə edir. Divar və tavan üçün fərqli boya növləri istifadə olunmalıdır. Yaş məkanlar üçün suya davamlı, nəfəs alan və silinə bilən boyalar seçilməlidir. Rənglərin bir-birinə uyğunluğu, aralarında kontrast və harmoniyanın olması interyerin ümumi estetikası üçün əhəmiyyət daşıyır. Peşəkar usta bu uyğunluğu təmin etmək üçün lazım gəldikdə nümunə boyalarla sınaq çəkilişi də aparır.

İş sonrası təmizləmə və yoxlama

Boya işi tamamlandıqdan sonra ərazinin əvvəlki təmizliyinə qaytarılması peşəkar ustanın məsuliyyətli yanaşmasının göstəricisidir. Qoruyucu örtüklər yığışdırılır. Maskalanmış sahələr açılır və boya qalıqları, damcı izləri silinir. Usta həmçinin işin nəticəsini müştəri ilə birlikdə yoxlayır. Divarda və ya tavanda iz, ləkə, dalğavari keçid, fırça izi kimi qüsurlar varsa, onlar dərhal düzəldilir. Rəngin səthə bərabər yayılması, keçidlərin incə olması və künc yerlərinin səliqəli işlənməsi bu yoxlamalar zamanı dəyərləndirilir. İş sonrası bu nəzarət mərhələsi müştərinin razı qalmasına və ustanın işini tam olaraq yerinə yetirdiyinə əmin olmasına zəmin yaradır.

Malyar ustası ilə razılaşma zamanı vacib məqamlar

Boya və malyar xidmətlərində ən yaxşı nəticəni əldə etmək üçün təkcə ustanın peşəkarlığı deyil, həm də onunla düzgün razılaşma forması çox vacibdir. Müştəri ilə usta arasında razılaşdırılan şərtlərin yazılı və ya dəqiq şifahi şəkildə əvvəlcədən müəyyən olunması həm əməkdaşlığı asanlaşdırır, həm də qarşılıqlı məmnuniyyətin əsasını təşkil edir. Bəzi hallarda, iş zamanı anlaşılmazlıqlar, əlavə ödənişlər və ya gecikmələr ortaya çıxa bilər. Bu isə vaxt itkisinə və narazılıqlara səbəb olur.

İş müqaviləsi və zəmanət

Malyar ustası ilə görüləcək iş barədə əvvəlcədən razılaşmaq və bunu yazılı şəkildə sənədləşdirmək tövsiyə olunur. Bu müqavilədə işin başlanma və bitmə tarixləri, görüləcək işlərin dəqiq təsviri, istifadə olunacaq boya növü və materiallar, təhvil-təslim zamanı yoxlama prosesi və zəmanət müddəti kimi məsələlər yer almalıdır. Zəmanət müddəti boya tökülməsi, izlərin yaranması və ya rəngin dəyişməsi kimi hallarda ustanın məsuliyyət daşıyacağını göstərir. Bu yanaşma həm müştəriyə güvən verir, həm də ustanın öz işinə olan peşəkar münasibətini ortaya qoyur. Əgər ustanın təqdim etdiyi xidmətə zəmanət verilmirsə, bu, gələcəkdə texniki problemlər və əlavə xərclər yarada bilər.

Qiymət razılaşması və əlavə xərclər

Əvvəlcədən tam qiymət razılaşdırılmalı və hər hansı əlavə xərclərin yaranma ehtimalı barədə açıq şəkildə danışılmalıdır. Usta ilə danışıqlarda hansı işin nə qədərə başa gələcəyi, hansı materialların daxil olduğu və hansıların müştəri tərəfindən alınmalı olduğu dəqiq şəkildə qeyd olunmalıdır. Gizli və ya sonradan ortaya çıxan ödənişlər həm maliyyə, həm də etibar baxımından narazılıq yaradır. Peşəkar usta bu tip hallara yol vermir, çünki ilk mərhələdə ətraflı qiymət təklifi verir və əlavə işlərə yalnız müştərinin razılığı ilə başlayır.